Sogn U40 på Heilekonferansen: Inspirasjon og lærdom for framtida

Sogn U40-styret hadde gleda av å delta på årets Heilekonferanse, og det var ei inspirerande oppleving frå start til slutt. Å vere til stades saman med så mange dyktige menneske frå næringslivet, både lokalt og regionalt, gav oss ny energi og mange gode idear som vi kan ta med oss vidare i vårt arbeid.

Michelin-kokken Christopher Haatuft, kjend for restaurantane Lysverket og Hoggorm i Bergen, serverte oss ei fantastisk bankettoppleving. Maten var ikkje berre lekker, men også lokal og bærekraftig, noko som resonnerte godt med vår eiga tilknyting til regionen. Vi tar med oss mange viktige lærdommar frå Heilekonferansen. Særleg innsikta i korleis leiing i endringstider kan handterast på ein berekraftig måte vil verte sentralt i vårt arbeid i 2024. Sogn U40 er meir motivert enn nokon gong til å skape arenaer for utvikling, nettverksbygging og samarbeid på tvers av generasjonar. Konferansen minna oss på verdien av å tenkje stort og ambisiøst – noko vi vil ta med oss inn i planlegginga av våre kommande arrangement.

Eit anna viktig høgdepunkt for oss var at vi fekk sjå korleis Sunnfjord U40 arbeider. Det var verdifullt å få innblikk i korleis dei organiserer seg, kva typar arrangement dei gjennomfører, og korleis dei jobbar med å fremje unge profesjonelle i deira region. Å utveksle erfaringar med våre kollegaer i Sunnfjord gav oss mange gode idear til korleis vi kan vidareutvikle vårt eige arbeid i Sogn U40. Samarbeid og deling av erfaringar er heilt avgjerande for at vi som unge skal kunne styrke vår posisjon i næringslivet og bygge vidare på det fundamentet vi alt har.

Vi ser fram til eit spennande 2024 der vi saman kan bidra til utvikling og vekst i Sogn.